Қар көшкіні салдарынан Риддер тұрғындары сусыз қалды

Риддер әкімдігінің мәліметінше, Громотуха өзенінің шатқалында қар көшкінінің өздігінен түсуіне байланысты кеше су беру тоқтатылды, деп хабарлайды Azattyq Ruhy Altaynews.kz-ке сілтеме жасап.

Төтенше жағдай орнына әкімдіктің, арнайы қызметтердің өкілдері жедел түрде барды. Жер асты су жүйесін іске қосу жұмыстары басталды.

«Қазір жөндеу-іске қосу жұмыстары жалғасуда. Судың қысымы көтеріліп келеді. Таңертең сумен жабдықтау іске қосылды. Қала тұрғындарынан сабырлық сақтауды, түсіністікпен қарауды және тек ресми ақпаратқа сенуді сұраймыз. Жағдай тұрақты бақылауда», - деп хабарлады қала әкімдігі.