Күдіктілер қоршауды металл қабылдаушыларға сатпақ болған
Жамбыл облысында жас жігіттер қадірді тонап, қорауын бұзған, деп хабарлайды Azattyq Ruhy тілшісі.
Жамбыл аудандық полиция бөлімінің учаскелік полиция инспекторлары зираттағы қабір қоршауларын ұрлап жүрген 31 және 34 жастағы Тараз тұрғындарын ұстады. Қылмыс үстінде қолға түскен ер адамдар қоршауларды бұзып, темірлерін ұрламақ болған.
«Олар зираттарды ақша үшін талқандап, қоршауларын бөлшектеп темірге өткізуді жоспарлағанын мойындады. Ұсталғандардың "Фольксваген Гольф-3" және "ВАЗ-2109" маркалы автокөліктерінің жүк салғышынан қабір қоршауларының бөліктері және арнайы бұзатын құрал табылды», - деп хабарлады Жамбыл облыстық ПД баспасөз қызметі.
Аталған дерекке қатысты сотқа дейінгі тергеу амалдары жүргізілуде. Ер адамдардың осыған ұқсас басқа да қылмыстарға қатыстылығы тексерілуде.