Жеті жолаушы ауруханаға жеткізілді
Қарағандыда екі автобус соқтығысып, соның салдарынан жолаушылар зардап шекті, деп хабарлайды Azattyq Ruhy агенттігі еkaraganda басылымына сілтеме жасап.
Облыстық полиция департаментінің мәліметінше, жол-көлік оқиғасы Карл Маркс көшесінде болған. №56 және №44 автобустар соқтығысып, соның салдарынан жеті жолаушы ауруханаға жеткізілді.
«Олардың барлығы әртүрлі жерінен көгерген. Алғашқы медициналық көмек көрсетілгеннен кейін зардап шеккендердің барлығы амбулаторлық емдеуге жіберілді. Тағы екі жолаушыға көмек қажет емес», - деп хабарлады облыстық денсаулық сақтау басқармасынан.
Полицейлер жол апаты бойынша қылмыстық іс қозғап, қажетті сараптамалар тағайындады.