Қазіргі кезде сотқа дейінгі тергеу амалдары жүргізіліп жатыр
Ақтауда түнгі клубта төбелес шығарған екі полицей жұмыстан қуылды, деп хабарлайды Azattyq Ruhy агенттігі Lada.kz-ке сілтеме жасап.
Әлеуметтік желіде Ақтаудағы түнгі клубтардың бірінде екі тәртіп сақшысының төбелескені туралы ақпарат тарады.
Маңғыстау облыстық полиция департаменті аталған деректі растап, ҚР Қылмыстық кодексінің 293-бабы («Бұзақылық») бойынша қылмыстық іс қозғады.
«Тәртіптік комиссияның шешімімен екі қызметкер ішкі істер органдарынан қызметінен босатылды», - делінген ПД хабарламасында.
Белгілі болғандай, кінәлі экс-полицейлер ұсталған жоқ, олар ешқайда кетпеу туралы қолхат жазған.