Жезқазған қаласының тұрғынынан 6 келіге жуық марихуана тәркіленді

«Құқықтық тәртіп» жедел профилактикалық іс-шарасы  аясында ұйымдасқан қылмысқа қарсы күрес басқармасының қызметкерлері жедел-іздестіру іс-шараларының нәтижесінде Жезқазған қаласының 30 жастағы тұрғынын ұстады, деп хабарлайды Azattyq Ruhy Polisia.kz-ке сілтеме жасап.

«Күдіктінің үйін тінту кезінде, ол тұратын жерде шамамен 6 кг кептірілген марихуана тәркіленді. Сонымен қатар тіркелмеген тегіс ұңғылы атыс қаруы, оған бес оқ, кастет тәркіленді», - делінген хабарламада.

Күдікті уақытшы ұстау изоляторына қамалды. ҚР ҚК 287, 297-баптары бойынша сотқа дейінгі тергеу жүргізілуде.