Қазіргі кезде өзін-өзі өлтіруге итермелеу бойынша қылмыстық іс қозғалды
Алматы облысы Балқаш қаласында 31 жастағы полицейдің денесі табылды, деп хабарлайды Azattyq Ruhy.
Облыстық полиция департаментінің хабарлауынша, қазіргі кезде өз-өзіне қол жұмсау дерегі бойынша жан-жақты тергеу жұмыстары басталды.
«Балқаш аудандық полициясына аурухана фельдшерінен аудан орталығындағы пәтерлердің бірінде 31 жастағы полицейдің өз-өзіне қол жұмсағаны туралы хабарлама келіп түсті. Бұл дерек бірден ҚР Қылмыстық кодексінің 105-бабының 1-бөлігі (өзін-өзі өлтіруге итермелеу) бойынша тіркелді», - делінген ПД хабарламасында.
Ведомство қайтыс болған азаматтың «отбасылық қарым-қатынасында жеке проблемалары болғанын, ол да қылмыстық тергеу аясында тексерілетінін» атап өтті.
Қазіргі уақытта істің барлық мән-жайын толық, жан-жақты және объективті тергеуді қамтамасыз ету үшін сараптама тағайындау арқылы барлық қажетті тергеу әрекеттері жүргізіліп жатыр.
Тергеу барысы облыстық полиция бастығының бақылауына алынды.
ҚР Қылмыстық кодексінің 201-бабы аясындағы өзге мәліметтер жария етілмейді.