«Пәтер алуға көмектесемін»: Астанада ер адам танысын алдап, 500 мың теңгесін алып кеткен

Астанада ер адам танысына пәтер алуға көмектесемін деп жалған уәде берген, деп хабарлайды Azattyq Ruhy ІІМ баспасөз қызметіне сілтеме жасап.

Ер адам Мұхамедханов көшесінде қала тұрғынының сеніміне кіріп, алаяқтықпен қаражатын иемденген. Ол туралы полицияға арыз түсті.

Сарыарқа ауданы ПБ криминалдық полиция бөлімінің қызметкерлері жедел-іздестіру іс-шараларын жүргізу кезінде 48 жастағы ер адамды анықтады.

Жәбірленуші ер азаматпен бұрын танысып, ипотека бойынша пәтер сатып алуға көмектесуге уәде бергені анықталды. Жәбірленуші оған сыйақы үшін 500 мың теңге берген. Кейін ол уәдесін орындамақ түгілі телефонын көтермей, жәбірленушімен байланысқа шығудан бас тартқан.

Тергеу барысында белгілі болғаны, қолға түскен азамат өткен жылы алаяқтық әрекеттері үшін қылмыстық жауапкершілікке тартылған. 

Аталған факті бойынша сотқа дейінгі тергеу амалдары жүргізіліп жатыр.