ШҚО-да вагондар рельстен шығып кетті

«Бұқтырма-Заводинка»темір жолының учаскесінде жүк пойызының 12 вагонының дөңгелек жұптары рельстен шығып кеткен, бірақ аударылмаған, деп хабарлайды Azattyq Ruhy Altaynews.kz-ке сілтеме жасап.

Қаза болғандар мен зардап шеккендер жоқ.

Жағдайды Алтай ауданы мен Шығыс Қазақстан облысының билігі бақылауға алып, шұғыл әрекет ету қызметтері дереу жұмылдырылды.

Оқиғаның егжей-тегжейі анықталып жатыр. 

Жүк құрамының кен және көмір тасымалдағаны белгілі.