Қаза тапқандардың барлығы – жол жұмысын жүргізіп жатқан ұйымның қызметкерлері
Ақтөбе облысында жол-көлік апаты салдарынан 4 адам қаза тапты, деп хабарлайды Azattyq Ruhy.
Облыстық полиция департаментінің хабарлауынша, қайғылы оқиға Мұғалжар ауданы Елек аулының маңында болған.
«Ақтөбе – Астрахань автожолының жол-құрылыс жұмыстары жүргізіліп жатқан жабық учаскесінде кісі өлімімен аяқталған жол-көлік оқиғасы болды. 39 жастағы Lada Granta автокөлігінің жүргізушісі жол-құрылыс жұмыстары жүргізіліп жатқан жолдың жабық учаскесіне шығып, сол жерде тұрған асфальт катогімен соқтығысқан. Соның алдарынан жүргізуші мен оның үш жолаушысы алған жарақаттарынан оқиға орнында қайтыс болды», - делінген хабарламада.
Қаза тапқандардың барлығы – сол учаскеде жол-құрылыс жұмыстарын жүргізетін ұйымның қызметкерлері.
Қазіргі кезде. ҚР Қылиыстық кодексінің 345-бабы 4-бөлігі бойынша сотқа дейінгі тергеу басталды.