Тексеріс қорытындысы бойынша материалдар процестік шешім қабылдау үшін сотқа жіберіледі
Атырауда құны 67 миллион теңге болатын заңсыз темекі тәркіленді. Бұл туралы Атырау облыстық мемлекеттік кірістер департаментінен мәлім етті, деп хабарлайды Azattyq Rýhy.
Рейд барысында ведомство қызметкерлері 100 мыңға жуық заңсыз темекі өнімін анықтаған.
«Кәсіпорын мемлекеттік кірістер органдарында темекі өнімдерін көтерме сатушы ретінде тіркемей жұмыс істеген», - делінген хабарламада.
Тексеріс қорытындысы бойынша материалдар процестік шешім қабылдау үшін сотқа жіберіледі.