Өрт аумағы 8,5-9 мың гектарға тараған
Алматы облысына қарасты Балқаш маңындағы қамыс өрті әлі сөндірілген жоқ, деп хабарлайды Azattyq Ruhy.
Облыстық ТЖД мәліметінше, қазіргі кезде өрт сөндірушілердің күшімен Іле-Балқаш резерватындағы өрт аумағы 120 га дейін азайтылды.
«Өртті сөндіруге 34 қызметкер, 3 техника, 1 жүзу құралы мен дрон жұмылдырылған. 26 маусымда қосымша 13 адам, 2 техника және 2 мотопомпасы бар 1 жүзу құралы жіберілді», - делінген ТЖД хабарламасында.
Сондай-ақ «Іле-Балқаш» РММ 25 адамы және 10 техникасы, орман шаруашылығының 8 адамы және 4 техникасы жұмылдырылды.
Тақырыпқа орай: Балқаш көлінің маңында 9 мың гектарға жуық аумақ өртеніп кетті
Еске салайық, Балқаш көлінің маңында аумағы 8,5-9 мың гектарға тараған өрт екі күннен бері сөндіріліп жатыр. Елдімекендерге қауіп төніп тұрған жоқ, дегенмен Бақанас орман шаруашылығына қарасты аумақтарда ор қазылып, өртке қарсы шаралар атқарылып жатыр.