Қайғылы оқиға 16 маусым күні болған
Астанада көлік қағып кеткен 6 жасар қыз көз жұмды, деп хабарлайды Azattyq Ruhy.
16 маусым күні Қордай көшесінде «Нива» көлігі Фатима Давлетярова есімді 6 жасар қызды қағып, үстінен екі рет жүріп өткен.
Марқұмның ағасының айтуынша, полиция осы күнге дейін қылмыстық іс қозғамаған, тіпті жүргізуші де ұсталмаған, деп жазады kriminal_kazakhstan Telegram арнасы.
«Осы факті бойынша ПД Анықтау басқармасымен ҚР ҚК 345-бабы бойынша қылмыстық іс қозғалды, оның шеңберінде бірқатар сот сараптамалары тағайындалды. Оның нәтижесі бойынша процестік шешім қабылданатын болады. Тергеу бақылауда», - деп хабарлады Астана қалалық Полиция департаментінен.