Зардап шеккен бала ауруханаға жатқызылды
Павлодарда төрт жасар бала 10-қабаттан құлап кетті. Шақырту Целинная көшесіндегі үйден түскен, деп хабарлайды Azattyq Ruhy Рavlodarnews.kz сайтына сілтеме жасап.
Облыстық жедел жәрдем станциясы баспасөз қызметінің мәліметінше, сағат 21:41-де шақыртуға жеделдіктің бірінші санаты бойынша жіберілген жедел жәрдем оқиға орнына үш минутта жеткен.
«Төрт жасар бала жақын жердегі Сұлтанов атындағы облыстық клиникалық ауруханаға – стационарға жеткізілді», – деді станцияда.
Науқастың жағдайы тұрақтанғаннан кейін облыстық балалар ауруханасына ауыстырылды.