«21 мың теңге аудартып алған»: Шымкентте ер адам массажистке шабуыл жасады

Шымкентте ер адам массажистке шабуыл жасап, ақша аудартып алған. Мұны полицияға тонаушының құрбаны болған әйелдің өзі мәлім еткен, деп хабарлайды Azattyq Rýhy жергілікті otyrar.kz сайтына сілтеме жасап.

Жәбірленушінің айтуынша, хабарландыру сайты арқылы ер адам хабарласып, массажист қызметіне тапсырыс берген. Ол массаж бөлмесіне келіп, бірден әйелге шабуыл жасап, қорқытып, өзінің шотына 21 мың теңге көлемінде ақша аудартып, қашып кеткен. Бұл туралы  хабарлады.

Аталған жайтты тергеушілер ҚК-тің 191-бабы 2-бөлігі «Жәбірленушінің өміріне немесе денсаулығына қауіпті емес күш қолданып не осындай күш қолдану қатерін төндіру» бойынша тіркеуге алды.

Күдікті тәулік ішінде қала көшелерінің бірінде ұстады. Ол бұрын алаяқтық және ұрлық жасағаны үшін бірнеше рет сотталған 35 жастағы жергілікті тұрғын болып шықты.

Қазіргі уақытта ер адам қамауда отыр.