Италиядағы су тасқыны: «Формула-1» Гран-при жарысы уақытша тоқтатылды

Ұзақ уақытқа созылған жаңбыр Орталық Еуропа аймақтарына үлкен зиян келтірді. Италияның солтүстігінде 14 өзен жағадан шықты. Басқарылмайтын ағындардың суы елді мекендерді басып, автомобиль және теміржол көлігінің қозғалысын бұзды, деп хабарлайды Azattyq Ruhy.

Euronews ақпараттық агентігінің жазуы бойынша тоғыз адам қайтыс болды, бірнеше адам жоғалып кетті.

Италиялық БАҚ-тың хабарлауынша, Эмилия-Романья аймағында 36 сағат ішінде алты айлық жауын-шашын мөлшері түскен.

Тұрғындар үйлеріне кірген суды сыртқа шығарумен әлек.

«Тікұшақтар адамдарды құтқару үшін түні бойы айналып жүрді. Қарттар мен балалар құтқарылды», - дейді жергілікті тұрғын.

«Мен мұнда 1979 жылдан бері тұрамын. Мен су тасқынын көрдім, бірақ дәл мұндайды бірінші рет көріп тұрмын. Бізде бұл жерде ешқашан су көп болған емес», - дейді тағы бір тұрғын.

Қауіпсіздік мақсатында «Формула-1» Гран-при жарысы уақытша тоқтатылды, ол осы демалыс күндері Эмилия-Романьяда өтуі керек еді.

Италиядан басқа Сербия, Хорватия және Словенияны қатты жаңбыр жауып жатыр.

Нөсер ағындары үйлерді қиратады. Ауыл шаруашылығы алқаптары мен техникасына орны толмас залал келтіріледі. Зардап шеккендер көмек күтеді және жергілікті биліктен оларға табиғи апаттың салдарымен күресуге қаражат беруін сұрайды.

Синоптиктердің болжамы бойынша, алдағы күндері Италияның солтүстігінде жел мен қатты нөсер әлі де сақталмақ.