ҰҚК 50 млн теңгенің смартфондарын шекарадан заңсыз өткізбек болғандарды ұстады

Тексеру барысында құжаты жоқ 220 ұялы телефон табылды

Фото: ҰҚК баспасөз қызметі

ҰҚК Шекара қызметі құны 50 миллион теңге болатын 200-ден астам смартфонды шекарадан заңсыз өткізу әрекетінің жолын кесті, деп хабарлады Azattyq Ryhy.

«2023 жылғы 7 мамырда ҰҚК Шекара қызметі Жамбыл облысы бойынша департаменті «Қордай» өткізу пунктінде Қазақстанға бағыт алған ҚР азаматының басқаруындағы жолаушылар микроавтобусын тоқтатты.

Автокөлікті тексеру барысында құпия орында жасырылған ілеспе құжаттары жоқ 220 смартфон табылды», - делінген ҰҚК хабарламасында.

Алдын ала мәлімет бойынша тәркілеген мобильдік құрылғылардың бағасы 50 млн теңге шамасын құрайды.

Ұсталған ҚР азаматы мен тәркіленген жүк процессуалдық шешім қабылдау үшін аймақтық Мемлекеттік кірістер департаментіне берілді.