Қайғылы оқиға Самара – Шымкент автожолында болған
Ақтөбе облысында жол апатынан жеңіл көлік жүргізушісі қаза тапты, деп хабарлайды Azattyq Ruhy.
Облыстық полиция департаментінің хабарлауынша, қайғылы оқиға 4 мамырда Қобда кентіндегі Самара – Шымкент автожолында болған.
«Nissan Almera автокөлігі Shacman жүк көлігімен соқтығысқан. Апат салдарынан жеңіл автокөлік өртеніп, жүк көлігі аударылды. Жеңіл көліктің жүргізушісі оқиға орнында қаза тапты», - делінген хабарламада
Жүк көлігінің жүргізушісі Қобда кентіндегі аудандық ауруханаға жеткізілді.
Қазіргі кезде оқиғаның мән-жайы анықталып жатыр.