Қайғылы оқиға 23 сәуірде Хромтау ауданында болған
Ақтөбе облысында жол-көлік оқиғасы салдарынан үш адам қаза тапты, деп хабарлайды Azattyq Ruhy.
Облыстық полиция департаментінің хабарлауынша, қайғылы жол апаты 23 сәуірде Хромтау ауданының Жазық ауылының маңында болған.
«Самара – Шымкент автожолында «ВАЗ-2110» және Toyota маркалы автокөліктері соқтығысқан. Апат салдарынан «ВАЗ» автокөлігінің 3 жолаушысы оқиға орнында көз жұмды, жүргізушісі аудандық ауруханаға жеткізілді», - делінген хабарламада.
Қазіргі кезде сотқа дейінгі тергеу басталды және жол-көлік оқиғасының мән-жайы анықталып жатыр.