Атырау облысында канал суына екі бала құлап кетті: біреуі қайтыс болды

Автор: Әйгерім Ердәулет

Қайғылы жайт Құрманғазы ауданының Бірлік ауылында болған

Фото ашық дереккөзден

14 наурыз күні Атырау облысында кешкі сағат 21:20-да Бірлік ауылында ойнап жүрген балалардың екеуі канал суына құлап кеткен. Мұны облыстық Полиция департаментінің баспасөз қызметі растады, деп хабарлайды Azattyq Ruhy.

Оқиға орнында 10 жастағы бала суға батып, көз жұмған. Ал 7 жасар баланы ауыл тұрғындарды құтқарып алған. Қазір ол жансақтау бөлімінде екен.

Облыстық Полиция департаменті қазір аталған дерекке байланысты тергеп-тексеру амалдары жүріп жатқанын мәлімдеді.