Ақтөбе облысында ірі жол апаты болып, бірнеше көлік соқтығысты

Жол-көлік апаты 23 ақпанда Самара–Шымкент автожолында болған

Коллаж: Azattyq Ruhy

Ақтөбе облысында ірі жол-көлік апаты болып, бірнеше автокөлік соқтығысты, деп хабарлайды Azattyq Ruhy.

Облыстық полиция департаментінің хабарлауынша, жол апаты 23 ақпанда Самара – Шымкент автожолында болған.

«Маржанбұлақ аулының маңында 11 автокөлік соқтығысты. Алдын ала мәліметтер бойынша, апат жолдың нашар көрінуі салдарынан болған. Зардап шеккендер жоқ», - делінген хабарламада.

Полиция қызметкерлері жол қозғалысына қатысушыларды жылдамдық режимін, қауіпсіз қашықтықты, маневр жасау ережелерін қатаң сақтау туралы ескертеді.

Мақалада

#Ақтөбе облысы #жол апаты

Алдыңғы жаңалық

ШҚО-да екі шетелдік азамат еліміз аумағынан шығарылды