Аталған дерекке қатысты қылмыстық іс қозғалды
СҚО-да Есіл ауданы Явленка ауылындағы гаю құю станцияларының бірінде баллон жарылды, деп хабарлайды Azattyq Ruhy.
Жарылыстан зардап шеккен бір адам жансақтау бөлімінде жатыр.
Жарылыс салдарынан өрт шыққан. Өрттен шатыр толығымен жанып, қабырғалар, кіреберіс есік, жиһаз және мүлік бүлінген. Тілсіз жау шарпыған аумақтың жалпы ауданы 35 шаршы метрді құрады.
Жапа шегуші станцияда жұмыс істейді. Оның денесі 80-90 пайызға күйіп қалған. Дәрігерлердің айтуынша жағдайы ауыр. Аталған дерекке қатысты қылмыстық іс қозғалды.