Қайғылы оқиға 29 қаңтарда болған
Шымкентте ересектердің қарауынсыз қалған бүлдіршін суға батып кетті, деп хабарлайды Azattyq Ruhy.
Қалалық төтенше жағдайлар департаментінің мәліметінше, қайғылы оқиға 29 қаңтарда болған.
«Сағат 17:25-те жедел медициналық қызметтен 2018 жылы туған баланың балалар бассейніне батып кеткені туралы хабарлама түсті. Оқиға Тұран ауданындағы 8-шағынауданда, Үркімбаев көшесінің бойындағы KASIET фитнес-клубында болған. Балалар бассейнінде шомылу кезінде (тереңдігі 1 метр 20 сантиметр, ені 5 метр) баланың суға батып кеткені, ересектердің қарауынсыз қалғаны анықталды», - делінген хабарламада.
Қазіргі кезде оқиғаның мән-жайы анықталып жатыр, сот-медициналық сараптама тағайындалды.