Қостанай облысында өрт кезінде анасы мен баласы қаза тапты

Қайғылы оқиға 26 қаңтарда болды. Бұл туралы ақпаратты ҚР ТЖМ баспасөз қызметі растады, деп хабарлайды Azattyq Ruhy. 

«Бөлмеде 15 шаршы метр аумақта үй заттары мен жиһаздар өртеніп кетті. Өртті сөндіру барысында 1988 жылы туған үй иесі мен оның 2016 жылғы ұлының мәйіті табылды. Алдын ала болжам бойынша уланудың белгілері бар. Өрт 9:40-та ауыздықталды. Өрттің алдын ала себебі өртті абайсыз пайдалану (темекі шегу) екені анықталды», - деп хабарлады ҚР ТЖМ.