Оралда түрмеде терроризмді насихаттан сотталушыға сот үкімі шықты

Оралда түрмеде терроризмді насихаттан сотталушыға сот үкімі шықты, деп хабарлайды Azattyq Ruhy.

Ұлттық қауіпсіздік комитеті ІІМ қылмыстық-атқару жүйесінің мекемесінде терроризмді насихаттау фактісі бойынша «У» азаматына қатысты қылмыстық істі тергеуді аяқтады.

«2023 жылғы 5 қаңтарда Орал қаласының № 2 соты оны ҚР ҚК 256-бабының 1-тармағы бойынша кінәлі деп танып, 4,5 жылға бас бостандығынан айырды», - делінген ҚР ҰҚК баспасөз хабарламасында.

Айта кетерлігі, «У» есімді сотталған 2020 жылдан бері түзету мекемесінде жазасын өтеу кезінде қамаудағылар арасында радикалды идеологияны таратып келген.

Оның кінәсі қылмыстық іс материалдарымен толық дәлелденіп, сот шешімі заңды күшіне енді.