Алматы облысының прокуратурасы «ҚазАвтоЖолға» қатысты қылмыстық іс қозғады

Жолдың уақтылы тазаланбауы салдарынан бір адам қаза тапты

Фото: Bigmir.net

Алматы облысының прокуратурасы «ҚазАвтоЖолға» қатысты қылмыстық іс қозғады, деп хабарлайды Azattyq Ruhy.

Құзырлы орган мәліметінше, Алматы – Шелек – Қорғас республикалық тасжолының 165-шақырымында жол-көлік апаты болып, бір адам қаза тапты.

Жол апатының басты себебі – көктайғақ пен қар жамылғысының уақтылы тазаланбауы.

«Автомобиль жолдары туралы» Заңның 19-бабына сәйкес жол органы мен жол әкімшілері күтіп ұсталатын жолдар мен олардағы құрылыстарды көлік құралдарының тоқтаусыз және қауіпсіз жүруін қамтамасыз ететін жағдайда ұстауға жауапты.

Істі Алматы облыстық полиция департаментінің тергеу басқармасы тергеп жатыр.

Мақалада

#Алматы облысы #Прокуратура #жол-көлік апаты #адам өлімі #қылмыстық іс #тергеу ісі

Алдыңғы жаңалық

«АрселорМиттал Теміртауда» тағы да газ құбыры опырылып түсті