Жетісу облысында үш ай бойы іздеуде болған қыз табылды

Автор: Azattyq Rýhy

Қыз көршілес Алматы облысы аудандарының бірінен табылды

Фото: ашық дереккөзден

Жетісу полициясы 3 ай бойы іздеуде жүрген қызды тапты, деп хабарлайды Polisia.kz.

Тамыз айының басында Ескелді ауданының полиция бөліміне үйден шығып кеткен 22 жастағы қызын іздеуге көмек сұраған Бақтыбай ауылының тұрғыны жүгінді. Жақында көші-қон қызметінің қызметкерлері іздеушілермен бірлесіп, қыздың жүрген жерін анықтай алды.

Қыз көршілес Алматы облысы аудандарының бірінен табылды. Қазір оның неліктен үйінен кетіп, ата-анасымен хабарласпағаны анықталып жатыр.

«Қыз бала ата-анасымен қауышты. Қазір үйінде», –  деп хабарлады Ескелді ауданының полиция бөлімі.

Қызымен қайта қауышқан бақытты ана тәртіп сақшыларына өзінің алғысын білдірді.