Қайғылы оқиғадан зардап шеккен балалар ауруханаға жеткізілді
Павлодар облысында бір уақытта екі бірдей жол-көлік апаты болып, соның салдарынан үш бала қаза тапты, деп хабарлайды Azattyq Ruhy тілшісі Pavlodarnews.kz-ке сілтеме жасап.
Белгілі болғандай, сағат 21:22-де Шидертіден 10 шақырым жерде екі көлік соқтығысып, біреуі өртеніп кеткен. Жедел жәрдем қоңырау түскеннен кейін тоғыз минуттан кейін оқиға орнына жеткенімен, өкінішке қарай, 7 жасар бала алған жарақатынан қайтыс болды.
Сондай-ақ жол апаты салдарынан зардап шеккен 2 және 5 жастағы тағы екі бала, сондай-ақ 24 жастағы ер адам мен екі әйел Екібастұз қалалық ауруханасына жеткізілді.
40 минуттан кейін жедел жәрдем станциясында тағы бір жол-көлік оқиғасы туралы қоңырау тіркелген. Бұл жолы Ақсу қаласынан 25 шақырым жерде екі көлік соқтығысып, бес адам зардап шеккен.
103 қызметінің мәліметінше, дәрігерлер 13 минутта келген.
«Өкінішке қарай, 6 және 12 жастағы екі қыз және 40 жастағы әйел оқиға орнында көз жұмды. Екі ер адам Ақсу қалалық ауруханасына жеткізілді», - делінген хабарламада.