Тестілеуден оңай өтпек болған павлодарлық мұғалімдер алаяққа алданды

Azattyq Rýhy

Күдіктінің өзі де бұрын педагог болып жұмыс істеген екен

Тестілеуден оңай өтпек болған павлодарлық мұғалімдер алаяққа алданды
Фото: ашық дереккөзден

«Ақшасын төлесең, тестілеуден өткізіп беремін». Павлодарда дәл осылай жүздеген адамды сан соқтырған күдікті ұсталды, деп хабарлайды Azattyq Ruhy.

Ол сыйақы үшін мұғалімдерді ұлттық біліктілік тестілеуінен өткізуге уәде берген. Өзі де бұрын педагог болып жұмыс істеген екен. Күдікті Telegram арнасындағы чаттар мен сайттарға жарнама орналастыру арқылы клиент тауып, өз «қызметін» 60 мыңнан 100 мың теңгеге дейін бағалаған.

Бүгінгі күні полицияға 108 адам арызданды. Жедел-іздестіру іс-шаралары барысында 28 жастағы азамат ұсталды. Ол кінәсін мойындап отыр. Қазір сотқа дейінгі тергеу амалдары жүргізіліп жатыр.

×
Бұл желілік ресурстың ақпараттық өнімдері 18 жастан асқан адамдарға арналған.