Павлодарда университеттен өрт шықты

Торайғыров университетінің техникалық персонал бөлмесінде бір шаршы метр аумақты өрт шалған, деп хабарлайды Azattyq Ruhy Pavlodarnews.kz-ке сілтеме жасап. 

Облыстық ТЖД баспасөз қызметінің мәліметінше, Ломов көшесі, 64 мекенжайы бойынша сағат 14.20-да бес қабатты Павлодар мемлекеттік университетінің  ғимаратында электр сымдарының қысқа тұйықталуы болған.  

«Тілсіз жау сағат 14:39-да сөндірілді. Зардап шеккендер жоқ», - деді департаментте. 

Өрттің шығу себебі анықталып жатыр. Оқиға орнында жеке құрамнан 24 адам мен алты техника жұмыс істеді. 

ЖОО баспасөз қызметінде басты оқу корпусының ғимаратында өрт шыққаны туралы дабылдан кейін бірден университеттің студенттері мен қызметкерлерін эвакуациялау басталғанын хабарлады. Түстен кейінгі сабақтар тоқтатылған.

Алдын ала мәлімет бойынша, зардап шеккендер жоқ.