Тәртіп сақшылары оқиға орнынан табылған сынықтар бойынша көліктің маркасын анықтады
Хромтауда жүргізуші жаяу жүргіншіні қағып өлтіріп, оқиға орнынан қашып кеткен, деп хабарлайды Azattyq Ruhy.
«Мой город» порталының жазуынша, полицейлер кінәлі жүргізушіні көлік шамы мен бамперінің сынықтары арқылы тауып алған.
Қайғылы оқиға 9 шілдеде түнде болған. 26 жастағы жігітті қағып кеткен көлік жүргізушісі қашып кеткен. Тәртіп сақшылары оқиға орнынан табылған сынықтар бойынша көліктің маркасын анықтады.
«Daewoo Matiz жүргізушісі, 37 жастағы әйелдің жеке тұлғасы анықталып, полиция бөліміне жеткізілді. Әйел жол-көлік оқиғасынан кейін қорқып, оқиға орнынан қашып кеткенін айтты», - деп хабарлады Ақтөбе облыстық полиция департаментінің баспасөз қызметі.
Қазір тергеу амалдары жүргізіліп жатыр.