Кәсіпкер мемлекетке 100 млн теңгеден аса сомада залал келтірген
Қызылорда облысында бірнеше заңды тұлғалармен заңсыз мәмілелер жасап, нақты орындалмаған жұмыстар үшін 2018-2021 жылдар аралығында жалған шот-фактуралар жазумен айналысқан «Жетіашар» ЖШС-нің әрекетін әшкереленді, деп хабарлайды Azattyq Rýhy ҚР Қаржы маниторингі агенттігіне сілтеме жасап.
«Бірнеше кәсіпкерлік нысандарының, салықтан жалтару мақсатында, әртүрлі тауарларға есеп айырысқаны жөнінде қосымша құн салығы көрсетілген жалған шот-фактураларының айналым сомасы 370 млн. теңгеге жеткен. Қызылорда облысы бойынша мемлекеттік кірістер департаменті төленбеген салық түрінде барлығы 118 млн теңге көлемінде мемлекетке залал келтірілгенін көрсетті»,- делінген хабарламада.
Сот үкімімен, серіктестік басшысы Избасар Айбек кінәлі деп танылып, 6 ай мерзімге бас бостандығын шектеу жазасы тағайындалды.