Қарағандыда 40 га орман өртеніп, саяжайлар зардап шекті

Қарағанды ​​облысының Төтенше жағдайлар департаменті аймақтағы екі бірдей орман өртіне қатысты ақпарат жариялады, деп хабарлайды Azattyq Ruhy.

Қазіргі таңда екі өрт ошағы да өшірілген.

«Қарағанды ​​орман және жануарлар дүниесін қорғау шаруашылығы» КММ аумағынан шыққан өрт 70 гектарды құрады, оның 40 гектары – орман алқабы. Өрт алты саяжайды (біреуі иесіз), жеті саяжай аумағындағы 15 қосалқы ғимаратты зақымдады. Саяжайдан бес адам құтқарылды, 25 адам эвакуацияланды.«Мичуринец» саяжай бірлестігі ауданындағы орман алқабындағы өрт аумағы үш гектарды құрады. Өрт ошақтары сөндірілді», - деді облыстық ТЖД.

Қазіргі кезде орманда жанып жатқан аумақ жоқ. Саяжай аулаларындағы өрт ошақтары сөндіріліп жатыр.

Өртті өшіруге Төтенше жағдайлар департаментінің, 52859 әскери бөлімінің, жергілікті полиция қызметінің, орман шаруашылығының, «Қазавиаспас» АҚ-ның 289 адамы, 68 техникасы жұмылдырылды.