Шатырдағы балалар: Ақтауда жасөспірімдердің қауіпті ойыны түсірілген видео тарады
Қазіргі кезде кәмелетке толмағандардың жеке басы анықталып жатыр
Ақтаудағы Green Park тұрғын үй кешенде шатыр үстінде жүгіріп жүрген жасөспірімдер видеоға түсіп қалды, деп хабарлайды Azattyq Rýhy тілшісі Lada.kz-ке сілтеме жасап.
Бейнежазба әлеуметтік желілердің бірінде жарияланды. Онда 17-шағынаудандағы «Green Park» тұрғын үй кешенінің шатырында үш баланың жүгіріп жүргенін круге болады.
Жергілікті полицейлер мәліметінше, 2022 жылғы 23 мамырда сағат 19:45-те «102» кезекші бөліміне 17-шағынаудандағы «Green Park» тұрғын үй кешенінің шатырында балалардың жүгіріп жүргені туралы қоңырау түскен.
«Шақыру бойыншаоқиға орнына ювеналды полиция қызметкерлері жіберілді. Бірақ олар жеткен кезде шатырда ешкім болмаған», - деп хабарлады облыстық полицияның баспасөз қызметі.
Қазіргі уақытта полиция қызметкерлері кәмелетке толмағандардың жеке басын анықтап жатыр.
«Бүгінгі күні шатырға кіретін есік жабылды», - деді полицейлер.
