Марқұм «Лесозавод» ауданында велосипед теуіп жүрген
Бүгін, 12 мамыр күні түс ауа Нұр-Сұлтанда велосипед теуіп жүріп, жолға шығып кеткен 8 жасар баланы «Газель» жүк көлігі қағып өлтірді, деп хабарлайды Азаттық рухы.
Жол апаты болған жердегі видео әлеуметтік желіге таралған. Қалалық полиция департаментінің баспасөз қызметі хабарлағандай, бала апат орнында тіл тартпай қаза тапқан.
«Бала көлікке қарама-қарсы бағытта велосипед келе жатқан. Аталмыш факт бойынша сотқа дейінгі тергеу басталды. Полиция қызметкерлері жүргізушілер мен жолаушылардан жол ережесін сақтауды сұрайды», -деп хабарлайды баспасөз қызметі.