Күдікті әйелге қатысты тергеу амалдары басталды
Семейде студент алаяққа 1,3 млн теңгесін берген, деп хабарлайды Azattyq Rýhy ШҚО ПД баспасөз қызметіне сілтеме жасап.
Осы жылдың наурыз айының соңында Семей қ. ПБ Орталық ПБ «102» жедел арнасына 20 жастағы жергілікті тұрғын жүгініп, өткен жылдың маусым айынан бастап 2022 жылдың наурыз айына дейінгі уақыт аралығында бейтаныс әйел оқуда орын алған мәселені шешіп беремін деп, алдау жолымен жалпы сомасы 1 300 000 теңгеге жуық ақша қаражатын иемденіп алғанын айтқан.
"Жедел-іздестіру іс-шаралары барысында криминалдық полиция қызметкерлері 28 жастағы жұмыссыз қала тұрғынын анықтап, ұстады, жауап алу кезінде ол кінәсін мойындады. Күдікті қаражатты қажеттілігіне жұмсап
тастағанын айтқан. Белгілі болғандай, күдікті осыған дейін жәбірленуші білім алып жүрген университетте оқыған болып шықты", – делінген хабарламада.
Күдікті әйелге келу міндеттемесі мәжбүрлеу шарасы таңдалды.
Аталған факті бойынша ҚР ҚК- нің 190-бабы 1-бөлігі – «Алаяқтық» бойынша сотқа дейінгі тергеу басталды. Осы баптың санкциясы 2 жылға дейінгі мерзімге бас бостандығынан айыруды көздейді.