Екібастұзда жүк вагонының төбесінен құлаған екі жұмысшы ауруханаға түсті

Azattyq Rýhy

Аталған фактілер бойынша сараптама тағайындалып, тексеріс жүргізіліп жатыр

Екібастұзда жүк вагонының төбесінен құлаған екі жұмысшы ауруханаға түсті
Фото: Inform.kz

Екібастұзда жүк вагонының төбесінен құлаған екі жұмысшы ауруханаға түсті, деп хабарлайды Рavlodarnews.kz.

Облыстық полиция департаменті баспасөз қызметінің мәліметінше, 22  сәуір күні ЖШС-нің бірінде 43 жастағы ер адам жүк вагонының төбесінен құлап кеткен. Жарақат алған зардап шегуші Екібастұз ауруханасына жатқызылды.

"Тағы бір жазатайым оқиға қаланың басқа кәсіпорнында орын алды. 27 сәуір күні сағат 11.30-да 37 жастағы ер адам аяқ жарақатымен ауруханаға түсті. Зардап шегуші қала кәсіпорындарының бірінде экскаватор машинисінің көмекшісі болып жұмыс істейді", - дейді департаментте. 

Экскаваторды жөндеу кезінде қосалқы бөлшектердің бірі зардап шегушінің аяғына құлаған.

×
Бұл желілік ресурстың ақпараттық өнімдері 18 жастан асқан адамдарға арналған.