Барлық дәрігер жылады: Есікте зорланған сәбидің жағдайы туралы айтылды

Azattyq Rýhy

Дәрігерлерге жеткізілген сәтте оны құтқарып қалу мүмкіндігі тым аз болған

 

Фото: inform.kz

Танымал құқық қорғаушы, «Немолчи.kz» қорының Дина Таңсәрі әлеуметтік желідегі парақшасында Есік қаласында зорланған сәбидің жағдайы туралы хабарлады. Анықталғандай, қыз тіпті төртке де толмаған, үш-ақ жаста болған, деп хабарлайды Azattyq Rýhy тілшісі.

Баланың қазіргі жағдайы туралы ақпаратты ол жатқан ауруханадағы жасырын дереккөздер айтқан. Сәбидің жағдайы өте ауыр. Дәрігерлерге жеткізілген сәтте оны құтқарып қалу мүмкіндігі тым аз болған.

«Бөлімдегі бүкіл дәрігер жылады. Бала шұғыл түрде облыстық ауруханаға жеткізілді. Ол жақта дәрігерлер өлім аузында жатқан қызды ерлікпен аман алып қалды. Сәби қазір анасымен бірге палатаға шығарылды. Дәрігерлерге көп рахмет!» – деп жазады құқық қорғаушы.

Дина Таңсәрінің айтуынша, бүлдіршінді алыс туысы зорлаған. Сондай-ақ полицейлер әйелге күдіктінің қылмыс үстінде ұсталғанын, оның қатты мас күйде қан-жоса болған баланың қасында ұйықтап қалғанын айтты.

Оқи отырыңыз: Анасы бауырларын кінәлайды: Есік қаласында 4 жасар қыз зорлық көрді

Еске салайық, сұмдық оқиға 14 сәуірде болған еді. Полиция департаментінің өкілдері 43 жастағы ер адамның қызды зорлағанын растады. Бұған дейін қыз төрт жаста деп хабарланған болатын. Ер адам бірнеше күннен бері баланың отбасында қонақ болып жатқан.

×
Бұл желілік ресурстың ақпараттық өнімдері 18 жастан асқан адамдарға арналған.