Көлік жүргізушісі оқиға орнында қаза тапты
Алматы облысында жүк көлігі тау шатқалына құлап, көлік жүргізушісі мерт болды, деп хабарлайды Azattyq Rýhy облыстың Төтенше жағдайлар департаментінің баспасөз қызметіне сілтеме жасап.
«9 сәуірде сағат 15.30-да Алматы облысының Төтенше жағдайлар департаментіне Ескелді ауданы, Черкасай шатқалында «Газ-66» автокөлігі тау жолынан шатқалға аударылып кеткені туралы хабарлама келіп түсті. 1969 жылы туған ер адам оқиға орнында қаза тапты, 1990 жылы туған азамат жарақат алды», - деп хабарлады ведомствоның баспасөз қызметі.