Оқиғаның мән-жайы анықталып жатыр
Павлодарда 17 жастағы қыз өзенге секірмек болды, деп хабарлайды Рavlodarnews.kz.
Облыстық ТЖД баспасөз қызметінің мәліметінше, құтқарушылар 27 наурызда сағат 11:50-де орталық жағалауында Ертіс өзенінің жағасында отырған қызды байқап қалған.
"Құтқарушылар Анатолий Косоногов пен Валерий Чаленко 2005 жылы туған қыз балаға жақындап, әңгіме барысында өзіне-өзі қол жұмсау әрекетін анықтады. Құтқарушылар қыз баланы станцияға апарып, оның туыстарын шақырды", - деді департаментте.
Қыз бала ата-анасымен ұрысып қалған.
Құтқарушылардың қырағылығының арқасында жасөспірімнің өз-өзіне қол жұмсауына жол берілмеді.