Қазіргі уақытта тергеу жұмыстары жүргізіліп жатыр
Атырауда көлік жүргізушісі жаяу жүргіншіні қағып өлтірді, деп хабарлайды Azattyq Rýhy.
Облыстық полиция департаментінің баспасөз қызметінің мәліметінше, қайғылы оқиға 25 ақпанда Атырау қаласында болған.
«Тoyota Camry көлігінің 28 жастағы жүргізушісі түнгі сағат 22:00 шамасында Дүтбаев көшесінде жол жиегімен келе жатқан 59 жастағы жаяу жүргіншіні қағып кеткен. Жолаушы оқиға орынында көз жұмды», - делінген ПД хабарламасында.
Қазіргі уақытта полиция қызметкерлері аталған жол-көлік оқиғасына байланысты тергеу жұмыстарын жүргізіп жатыр.