Елордада балаларды алдап, үй тонаған әйел ұсталды

Нұр-Сұлтанда балаларды алдап, пәтер тонаумен айналысқан Павлодар облысының тұрғыны ұсталды, деп хабарлайды  Azattyq Rýhy  тілшісі елордалық ПД баспасөз қызметіне сілтеме жасап. 

Полиция департаментінің хабарлауынша, бұрын сотты болған әйел 8 қаңтар күні қамауға алынған.

50 жастағы әйел баласы бар пәтерлерді арнайы іздеген. Үйде жалғыз отырған балға әйел ата-анасының танысы екенін айтып, құнды заттарды ұрлаған.

«Әйел осыған ұқсас ұрлықпен бірнеше рет ұсталған. Қазіргі уақытта ҚР Қылмыстық кодексінің 188-бабы бойынша соталды тергеу жүріп жатыр», - делінген хабарламада.