Тоуота Аlphard көлігі қарсы жолаққа шығып кетіп, қар тазалайтын КамАЗ-ға соғылған
Ақтөбе облысында жантүршігерлі жол-көлік апаты салдарынан бір адам қаза тапты, деп хабарлайды Azattyq Rýhy.
Облыстық Полиция департаментінің мәліметінше, қайғылы оқиға 3 қаңтарға қараған түні Самара – Шымкент тасжолында болған.
Белгілі болғандай, Тоуота Аlphard көлігінің жүргізушісі Қобда ауылынан Ақтөбеге қарай келе жатып, рөлге ие бола алмай, қарсы жолаққа шығып кетіп, қар тазалайтын КамАЗ көлігіне соғылған.
«Жол-көлік оқиғасы салдарынан Toyota Alphard көлігінің 46 жастағы жүргізушісі ауыр жарақат алып, оқиға орнында көз жұмды. Бес жолаушы, оның ішінде екі бала ауруханаға жатқызылды», - делінген облыстық ПД баспасөз хабарламасында.
Қазіргі уақытта ҚР Қылмыстық кодексінің 345 бабы 3-бөлігі бойынша сотқа дейінгі тергеу жұмыстары басталды.