Оралда жол апатынан екі адам жарақат алды

Оралдағы Әбілқайыр хан даңғылында үш автокөлік соқтығысып, екі адам жарақат алды, деп хабарлайды Azattyq Rýhy тілшісі БҚО полиция департаментіне сілтеме жасап.

«Kia» автокөлігі «Лада Приора» автокөлігімен соқтығысқан. «Лада Приора» екпінімен барып гаражға соғылса, «Kia» тоқтап тұрған «Hyundai»-ға соққан», - деп жазылған хабарламада.

Полиция департаменті өкілдерінің айтуынша, жедел жәрдем оқиға орнынан екі адамды қалалық көпбейінді ауруханаға алып кеткен. Олардың біреуі жабық бас-ми жарақатын алған. Миы шайқалған, оған қоса бес-алты қабырғасы сынған. Ал екінші адам жабық бас-ми жарақатын алған.