Алматы облысында шетелдік азамат құлдықтан құтқарылды

Алматы облысында 43 жастағы шетелдік азамат құлдықтан құтқарылды, деп хабарлайды Azattyq Rýhy.

Облыстық Полиция департаментінің басшысы Серік Күдебаевтың мәліметінше, 23 желтоқсан күні ер адам жанар-жағармай бекетіне хат жазып қалдырып кеткен соң, оны оқыған бекет қызметкерлері полицияға қоңырау шалған.

Ақпара  түсе салысымен, мобильді кезекші жасақтар арқылы «Ұстау» операциясы іске асқан.

«Алматы-Бішкек» автожолының 76 шақырымындағы Самсы ауылының маңында аға инспектор А.Төлеқазов және аға полиция лейтенанты А.Жанабеков мінген «Борт-25» экипажы тізгініне 35 жастағы жүргізуші болған Honda Elysion көлігін тоқтатты. Құжаттарды тексеру кезінде көлік салонында тағы төрт ер адам болған, олардың арасында жанар-жағармай құю бекетіне өзіне құтқаруды сұрап, хат қалдырған көрші республиканың 43 жастағы азаматы да болды», - деді Алматы облысының ПД бастығы Серік Күдебаев

Ұсталғандар полиция бөліміне жеткізілді, ал жәбірленуші өзін ұрлау фактісі бойынша арыз жазды. Қазіргі уақытта тергеу амалдары жүргізіліп жатыр.