Оқиға Украинаның Днепр қаласында орын алған
Мас күйдегі мұғалім сабақ үстінде екінші сыныптың екі оқушысын ұрған, деп хабарлайды Риа.ру.
«2в» сыныбы оқушыларының айтуынша, мұғалім жұмыс уақытында ішімдік ішіп, тіпті, бесінші сабаққа қарай сөйлей алмай қалған. Оған қоса ол «дұрыс жазбадыңдар» деген желеумен екі қыздың басынан ұрған» деп жазды әлеуметтік желіде ата-аналардың бірі.
Оның айтуынша, мұғалім қазір жұмыстан шығарылған. Мектеп басшылығы ұстаздың мұндай қылығын бұрыннан білген көрінеді. Тіпті, ол бұрынғы қызметінен осы әрекеті үшін қуылыпты. Алайда қазіргі білім ордасының әкімшілігі қаладағы педагогикалық кадрлардың жетіспеушілігінен мұғалімнің әрекетін жасырып келген.