Ақмола облысында адам саудасымен айналысқандар қолға түсті

Қылмыстың қорқыту және зорлық-зомбылық жасау арқылы жасалғаны анықталды

Фото: ашық дереккөзден

Ақмола облысында адам саудасымен айналысқандар ұсталды, деп хабарлайды деп хабарлайды Azattyq Rýhy Polisia.kz-ке сілтеме жасай отырып.

«Стоп-трафик» жедел алдын алу іс-шарасы барысында полицейлер Ақмола облысының аумағында адам саудасына күдіктілерді анықтады. Ақмола облысының аумағында 19-24 қыркүйек аралығында «Стоп-Трафик» республикалық жедел алдын алу іс-шарасы өткізілді, оның шеңберінде полиция қызметкерлері еңбек және жыныстық пайдалану фактілерін анықтау ықтималдығы жоғары қонақүйлер мен ойын-сауық мекемелерін, монша кешендерін және басқа да әртүрлі объектілерді тексерді.

Бұған дейін Аршалы АПБ кезекші бөліміне Константиновка ауылында жергілікті тұрғын бірнеше адамды заңсыз ұстап, кәсіпорында жұмыс істеуге мәжбүрлейтіні туралы жедел ақпарат келіп түскен болатын.

«Оқиға орнына дереу келген жедел-тергеу тобы 2021 жылғы 9-14 қыркүйек аралығында қаскүнем екі серіктесімен бірге Нұр-Сұлтан қаласында табыс іздеп жүрген адамдарға жеке жалдау бойынша жұмыс ұсынғанын анықтады», - делінген ПД хабарламасында.

Кейіннен серіктестер адамдарды кәсіпорын аумағына, Аршалы ауданының Константиновка ауылына алып келген.

«ЖШС аумағына тексеру жүргізу барысында онда 20-дан астам жұмысшы болғаны анықталды, олардың үшеуі  – 39-дан 53 жасқа дейінгі ер адамдар. Қостанай, Шымкент және Нұр-Сұлтан қалаларының тұрғындары 14 қыркүйектен бастап ЖШС аумағында заңсыз ұстау фактісі бойынша шаралар қабылдау туралы полицияға жүгінді», - делінген хабарламада.

Қылмыстың қорқыту және зорлық-зомбылық жасау арқылы жасалғаны анықталды. Аталған факт бойынша ҚР ҚК-нің 128-бабы 2-бөлігімен (Адам саудасы) сотқа дейінгі тергеу басталды, сот-медициналық сараптама тағайындалды. Одан әрі тергеу шаралары жалғасып жатыр.

×
Бұл желілік ресурстың ақпараттық өнімдері 18 жастан асқан адамдарға арналған.