Елордадағы «Қазақмыс» ғимараты өртенді

Нұр-Сұлтан қаласында орналасқан «Қазақмыс» ғимараты өртенді. Қалалық ТЖД баспасөз қызметі ғимараттың шатыры және қаптауы жанып жатқанын айтты.

Бүгін сағат 18:33 минутта Нұр-Сұлтан қаласының ТЖД Өрт сөндіру бөлімшелері Тұран даңғылы 37/10 мекенжайында болған өрт орнына жеке құрамның 44 адамы мен 11 техникасы құрамында жоғары шақыру нөмірі бойынша шықты. Сондай-ақ жедел-жәрдем қызметінің 2 бригадасы оқиға орнына аттанған.

Алдын ала ақпарат бойынша ғимараттың шатыры және қаптауы жануда. Шақырту орнына өрт сөндірушілер 5 минуттан кейін дереу жетті. Қазіргі уақытта барлау жұмыстары жүргізілуде.

Елордалық өрт сөндірушілер кешкі сағат 19:10-да өртті ауыздықтаған. Өрттің алдын ала алаңы - 60 шаршы метр. Зардап шеккендер мен зардап шеккендер жоқ.