Павлодарда төрт айлық сәбиді машина қағып кетті

Павлодарда төрт айлық сәбиді машина қағып кетті, деп хабарлайды Pavlodarnews.kz.

Бұл туралы өңірлік Денсаулық сақтау басқармасында хабарлады.

« Төрт айлық қыз баланың миы шайқалып, жабық бас сүйек-ми зақымы келген. Бала облыстық ауруханаға жеткізілді», - делінеді хабарламада.

Баламен бірге зардап шеккен 75 жасар әйелдің кеуде қуысы, жамбас сүйегі зақымданып, оң тізесінің гематомасы тіркелді. Ол амбулаторлық жағдайда ем алуда.

Оқиға видеосы әлеуметтік желілерде жарияланды.