Павлодарда дүкендегі садақа жәшігін ұрлап кеткен ер адам ұсталды

Әлеуметтік желілерді мониторингілеу кезінде павлодарлық пабликтердің бірінде ер адамның  садақа жәшікті ұрлап кеткені  түсірілген видео анықталды, деп хабарлайды Рavlodarnews.kz.

«Полиция қызметкерлері жедел іздестіру іс-шаралары барысында  ұрлық жасады деген күдікпен ер адамды ұстады. Ол белгілі тұрғылықты жері жоқ 43 жастағы ер адам болып шықты. Күдікті Лермонтов көшесіндегі дүкендердің бірінде ешкім бақыламаған сәтті пайдаланып,  санитайзер мен садақа жәшігін ұрлап кеткен. Жәшікте 500 теңге ақша жиналған», - деп хабарлады облыстық Полиция департаментінің баспасөз қызметі.

Ұрлық фактісі бейнебақылау камераларының көмегімен тіркелді.