ШҚО аудандарының бірінде дала шөбі өртенді

Шығыс Қазақстан облысы Күршім ауданында өрт сөндірушілер дала өртімен күресуде, деп хабарлайды Azattyq Rýhy Semey News-ке сілтеме жасап.

ШҚО ТЖД баспасөз қызметінің хабарлауынша, Күршім ауданындағы ашық алаңдаңдағы шөптің өртенуі кеше түскі сағат 14:00 шамасында басталған. Оқиға орнына келген өрт сөндірушілер тілсіз жаумен күресуде. Өрт әп-сәтте 40 га алаңға шарпыды.

«Өртпен күресуге ШҚО ТЖД жеке құрамынан 13 адам, 2 бірліктегі техника және орман шаруашылығынан 11 адам, 3 бірліктегі техника, жергілікті атқарушы органнан 1 су тасығыш, 2 трактор және 25 тұрғын жұмылдырылды», – деп мәлімдеді баспасөз қызметінде.